2021-mi ukiup affaani siullermi avataasiorluni tunisassiuutigalugu aalisarnermi pisat
Avataasiorluni nammineq tunisassiuutigalugu 2021-mi aalisarnermi ukiup affaani siullermi pisat matumuuna kisitsisaataasivitsinni takuneqarsinnaalerput. Uani pineqarput aalisariutit namminneq tunisassiorfillit Kalaallit Nunaata imartaani aamma nunat allat imartaani aalisakkat qaleruallillu pisaat. Aammattaaq kisitsisaataasivimmi nunat allat aalisariutaasa Kalaallit Nunaata imartaani ukiup affaani siullermi pisaat takuneqarsinnaanngorput.
Maluginiaqquneqarpoq avataasiorluni aalisarnermi pisatut pineqartut tassaammata nammineq aalisariummi tunisassiat, ima paasillugu, kinguppaat, qalerallit saarulliillu kalaallit aalisariutaanit avataasiortunik aalisakkerivinnut tunisat kisitsisini ilaanngimmata, taakku tunisinermi naatsorsuutinut ilaareermata.
Ukiup affaani siullermi pisat 2018-imiit - 2021-mut suussutsinut assigiinngitsunut agguarlugit
Najoqqutaq: Naatsorsueqqissaartarfik – takuuk kisitsisaataasivik https://bank.stat.gl/FIN008
Kisitsisaataasivik:
Kisitsisaataasivimmi avataasiorluni nunatta eqqaani imartanilu allani aalisarnermi pisat 2008-miit 2021-imut kisitsisaateqarfimmi takuneqarsinnaapput.
Allanik immikkut paasisaqarusukkuit allaffimmi pisortaq Lars Geraae oqarasuaat toqqaanartoq 34 57 87 atorlugu attavigineqarsinnaavoq.